سرکارنے آپئی اعتراف کر لیا کہ بوہت وڈا شو سی: مریم اورنگزیب

لہور(پنجابی میڈیا گروپ)مسلم لیگ نون دی ترجمان مریم اورنگزیب آکھدی نیں کہ سرکارنے خود ای اعتراف کر لیا کہ کل اسلام آباد وچ پی ڈی ایم دا بوہت وڈا شو سی۔جیل حکام نے مسلم لیگ نون دے صدر میاں شہباز شریف تے ایہناں دے صاحبزادے حمزہ شہباز نوں لہوردی احتساب عدالت پہنچا دتا۔ایس موقع اتے مسلم لیگ نون دے کارکن دی وڈی تعداد وچ احتساب عدالت دے بار موجود سی جہناں نے اپنی قیاد ت دے حق وچ نعرے بلند کیتے۔ مسلم لیگ ن دی ترجمان مریم اورنگزیب وی احتساب عدالت اپڑیں جتھے اوہناں نے میڈیا دے نال گل بات وی کیتی۔ اوہناں نے آکھیا اے کہ الیکشن کمیشن دا کم اے کہ مرکزی ملزم نے اعتراف کرلیا۔ ہن جلد سزا سنائی جاوے۔ ایہناں حکمراناں دا ہر روز اک نیا سکینڈل ساہمنے آرہیا اے۔ مریم اورنگزیب دا مزیدآکھیا اے کہ سرکار نکام ہو کے گرچکی اے ایہہ قومی خزانے کولوں کمیشن منگدیاں پھڑے گئے۔ اینج دا کرپٹ ٹولہ پاکستانی تاریخ وچ کدی نہیں آیا۔ اوہناں نے مزیدآکھیا اے کہ سرکارنے خود ای اعتراف کر لیا کہ کل اسلام آباد وچ پی ڈی ایم دا بوہت وڈا شو سی۔

اپنا تبصرہ گھلو