لہور:بی بی پاکدامنؒ دا سالانہ عرس شروع
لہور (پنجابی میڈیا گروپ) صوبائی دارالحکومت لہور وچ واقعہ مزار بی بی پاکدامن دے سالانہ عرس دی تن روزہ تقریبات شروع ہوگیاں نیں۔ بدھ دے روز بعدنماز ظہر عرس دی تقریبات داآغاز بی بی پاکدامن دے مزار دے رسم غسل تے چادرپوشی توں کیتا گیا ۔ افتتاحی تقریب وچ صوبائی وزیر اوقاف سید سعیدالحسن سنے سیکرٹری اوقاف تے دیگر افسران نے شرکت کیتی۔ ایس موقع اتے سکیورٹی دے سخت انتظامات وی کیتے گئے نیں تن روزہ تقریبات وچ محفل نعت تے محفل سماچ سنے اج بروز جمعرات قدیمی جھنڈے دا جلوس وی کڈیا جاوے گا۔
Load/Hide Comments





















