کئی ملکاں اپوزیشن نوں پیسے دتے !پر میںاوہناں دے نام نہیں لے سکدا: وزیر اعظم

وانا( پنجابی میڈیا گروپ) وزیراعظم عمران خان کہندے نیں کئی ممالک اپوزیشن جماعتاں دی فنڈنگ کر دے رہے پر تعلقات دی وجہ توں ایہناں ملکاںدے ناں نہیں لے سکدا۔ جنوبی وزیرستان وچ پترکاراں نال گل کردیاں وزیراعظم آکھیا فارن فنڈنگ کیس چُکن تے اپوزیشن دا شکر گزار آں۔ ایہ سب ساہمنے آنا چاہیدا اے کہ تحریک انصاف تے اپوزیشن جماعتاں دی فنڈنگ کتھوں ہوندی رہی، ساری دنیا وچ سیاسی جماعتاں فنڈنگ کردیاں نیں، فارن فنڈنگ کیس دی کھلی سماعت ہونی چاہیدی اے تے ایہنوں ٹی وی تے براہ راست وکھایا جائے، پارٹی سربراہواں نوں وی بٹھاکے کیس سننا چاہیدا اے۔ ایس کیس توں ساری قوم نوں پتہ چلے گا کیہنے ایس ملک وچ ٹھیک طریقے نال پیسہ اکٹھا کیتا۔ وزیراعظم آکھیا بیرون ملک مقیم پاکستانیاں دے گھلے گئے ترسیلات زر نال ملک چلدا اے، میں شوکت خانم ہسپتال دی فنڈنگ سمندر پار پاکستانیاں توں کیتی، چیلنج کرنا آں سیاسی فنڈ ریزنگ صرف تحریک انصاف نے کیتی۔ اپوزیشن دی جماعتاں نوں پتہ اے تے مینوں وی پتہ اے فارن فنڈنگ کہڑی اے، اوورسیز پاکستانی فارن فنڈنگ نہیں، کئی ملک ایہناں جماعتاں نوں پیسے دیندے رہے، ایہناں ملکاں نال تعلقات دی وجہ توں میں دس نہیں سکدا۔

اپنا تبصرہ گھلو