ٹرمپ دیاں متنازع پالیسیاں ختم کرن دااعلان

واشنگٹن (پنجابی میڈیا گروپ)امریکی صدر جو بائیڈن نے 78 سال دی عمر وچ امریکا دے46 ویں صدر دی حیثیت دے نال منصب سنبھالدیاں ای کئی صدارتی حکم نامیاں اتے دستخط کردتے نیں۔وائٹ ہاوس دی پریس سیکریٹری جین ساکی نے میڈیا بریفنگ وچ دسیا کہ اوہ پریس دی آزادی دی دل دی گہرائیاں دے نال قدر کردے نیں۔ امریکیاں نوں سچ تے حقائق توں آگاہ رکھنا ای ساڈا مقصد اے۔ جین ساکی دے مطابق صدربائیڈن نے پہلا حکم کرونا وائرس دے نال نمٹن لئی جاری کیتا اے۔ جدکہ ٹرمپ انتظامیہ دی متنازع پالیسیاں نوں ختم کرن لئی متعدد حکم نامے جار ی کیتے نیں۔

اپنا تبصرہ گھلو