اپوزیشن ہر پلیٹ فارم نوں غلط استعمال کرکے نیب نوں تھلے لانا چاہندی اے، شبلی فراز

اسلام آباد(پنجابی میڈیا گروپ)وزیر اطلاعات سینیٹر شبلی فراز نے آکھیا اے کہ اپوزیشن دا مقصد ہر پلیٹ فارم دا غلط استعمال کرکے نیب نوں دبائو وچ لیانا اے۔ اطلاعات کمیٹی وچ چیئرمین نیب نوں بلان دی گل مضحکہ خیز اے۔اسلام آبا د وچ میڈیا دے نال گل بات کردیاں ہویاں وزیر اطلاعات شبلی فراز ہوراں نے آکھیا کہ وزیراعظم عمران خان نے براڈ شیٹ معاملے دی چھان بین لئی انکوائری کمیٹی بنا دتی اے جہڑی 45 دیہاڑے وچ ایہدے جوابات دیوے گی۔ جہڑی چیز ایہناں نوں سوٹ کردی اے ایہہ ایہدی علیحدگی وچ ویکھنا چاہندے نیں اسیں براڈ شیٹ دی مکمل انکوائری چاہندے آں۔ اوہناں نے مزیدآکھیا اے کہ ایہہ معاملہ 2000 ء وچ شروع ہوکے ہنی منتج ہویا،ایہدے وچ نیب، وزراء جو وی سن سبھ دی انکوائری ہووے گی تے انکوائری کمیٹی دا اجلاس جلد ہووے گا۔

اپنا تبصرہ گھلو