قوم نوں اتحاد، اتفاق ، بھائی چارے دی لوڑ اے : عثمان بزدار

لہور(پنجابی میڈیا گروپ)پنجاب دے وزیرِاعلی سردار عثمان بزدار آکھدے نیں کہ ایس ویلے قوم نوں اتحاد، اتفاق ، بھائی چارے دی لوڑ اے ۔بھائی چارے دی جتنی لوڑ ہن اے پہلا ں کدی وی نہ سی۔ تفصیلات دے مطابق لہور توں جاری کیتے گئے اک بیان وچ وزیرِاعلی پنجاب سردار عثمان بزدار نے آکھیا اے کہ موجودہ ح الات وچ منفی سیاست دی گنجائش نہیں۔ انتشار کرن والیاں نوں ہوش دے نال کم لینا چاہیدا اے۔ اوہناں نے مزیدآکھیا اے کہ پی ڈی ایم دے کولوں کوئی خطرہ نہیں ۔ ایہہ ٹولہ خود انتشار دا شکار ہوگیا اے۔ وزیرِ اعلی پنجاب نے آکھیا کہ بدقسمتی دے نال ایہہ عناصر ملک نوں عدم استحکام دی طرف لے جا کے دشمن دا ایجنڈا پورا کرنا چاہندے نیں ۔وزیراعلیٰ عثمان بزدار ہوراں داآکھنا سی کہ ملک وقوم دے مفادات نوں زک پہچان والے رہبر نہیں ہو سکدے۔ اوہناں نے مزیدآکھیا اے کہ اپوزیشن ولوں نازک حالات وچ قوم نوں ونڈ دی کوشش قابل مذمت اے۔

اپنا تبصرہ گھلو