براڈ شیٹ دا ہر صفحہ سیاسی لٹیریاں دی کرپشن کہانی اے، فردوس عاشق اعوان
لہور( پنجابی میڈیا گروپ) معاون خصو صی وزیر اعلیٰ پنجا ب فردوس عاشق اعوان نے آکھیا اے کہ براڈ شیٹ دا ہر صفحہ سیاسی لٹیریاں دی کرپشن کہانی اے۔ ن لیگ کرپشن ریس وچ سبھ توں آگے اے۔ سماجی رابطے دی ویب سائٹ اتے ٹویٹ کر دیاں ہویاں فردوس عاشق اعوان نے آکھیا اے کہ پی ڈی ایم دی باقی ساریاں جماعتاں وی کسی کولوں گٹھ نہیں۔ اوہ سیاستدان وی کرپشن دے خلاف بھاشن دے رہے نیں جہڑے نکونک کرپشن وچ ڈبے ہوئے نیں۔ ایہہ کر پٹ سیاسی ٹبر جس تھالی وچ کھاندے نیں ایہدے وچ چھید کردے نیں۔ فردوس عاشق اعوان ہوراں داآکھنا سی کہ ن لیگ تے پیپلزپارٹی کرپشن کرن دے بعد اک دوجے اتے الزام تراشی کردے رہے فیر گرگٹ دی طرحاں رنگ بدل کے ن لیگ تے پیپلزپارٹی اک دوجے دی پردہ پوشی کردے رہے۔ کپتان نے براڈ شیٹ حقائق عوام دے ساہمنے لے آن دا جرات مندانہ فیصلہ کیتا اے۔ سانوں کسی گل دا خوف نہیں۔
Load/Hide Comments





















