تحریک عدم اعتماد دے معاملے اتے اپوزیشن نوں شکست دیاں گے، شاہ محمود قریشی
اسلام آباد (بیورورپورٹ ) وزیر خارجہ شاہ محمود قریشی نے آکھیا اے کہ تحریک عدم اعتماد دا سیاسی، جمہوری تے پارلیمانی انداز وچ مقابلہ کرن گے، تحریک عدم اعتماد دے معاملے اتے اپوزیشن نوں شکست دیاں گے، پیر دے دیہاڑے انپے اک بیان وچ شاہ محمود قریشی نے آکھیا اے کہ پی ڈی ایم دی صفاں وچ اختلاف کھل کے ساہمنے آگیا اے۔ پی ڈی ایم اک غیرفطری تے عارضی اتحاد اے۔ استعفیاں دے معاملے اتے ن لیگ وچ مریم نواز تے شہبازشریف دی سوچ وچ اختلاف واضح اے۔ فضل الرحمن لانگ مارچ اتے تلے ہوئے بلاول بھٹو اسمبلیاں وچ آن دی گل کر رہے نیں۔ اوہ سمجھدے نیں کہ ایہناں دی احتجاجی سیاست اتے عوامنے توجہ نہیں دتی۔ مولانا فضل الرحمن دی جماعت دے اندر وی شدید دبائو تے کشمکش اے۔ شاہ محمود قریشی ہوراں نے آکھیا اے کہ ہر سینیٹ چنائو دے بعد مختلف پارٹیاں نے ہارس ٹریڈنگ دے الزامات لگائے۔ وزیراعظم عمران تے پاکستان تحریک انصاف شفاف انتخابات دی خواہاں اے۔ ایسی مقصد دے پیش نظر اسیں سینٹ الیکشنز وچ اوپن ووٹنگ دی تجویز ساہمنے رکھی۔ ایہناں باور کروایا کہ اسیں ایس حوالے دے نال قان ون سازی لئی وی تیار آں۔ افغان امن عمل وچ اسیں مصالحانہ کردار ادا کر رہے نیں جس نوںدنیا سراہیا رہی اے۔





















