نالائقاں ،نااہلاں تے چوراں نے پاکستان نوں نیلام گھر بنا دتا اے ،مریم اورنگزیب

اسلام آباد (بیورورپورٹ) پاکستان مسلم لیگ (ن) دی ترجمان مریم اورنگزیب نے قومی اثاثے نیلام کرن اتے شدید احتجاج کردیاں ہویاں اثاثے گروہ رکھن دا عمل روکن دا مطالبہ کیتا اے۔ اپنے اک بیان وچ اوہناں نے آکھیا اے کہ نوازشریف تے شہبازشریف دے دور وچ منصوبے بن رہے سن جدکہ نئے پاکستان وچ منصوبے نیلام ہو رہے نیں۔ نوازشریف تے شہباز شریف دے دوروچ پاکستان دے اثاثیاں وچ اضافہ ہورہیا سی ۔مریم اورنگزیب ہوراں نے آکھیا اے کہ نالائقاں ،نااہلاں تے چوراں نے پاکستان نوں نیلام گھر بنا دتا اے ۔نوازشریف تے شہبازشریف نے کھیلاں دے میدان تے پارکس آباد کیتے سن نئے پاکستان وچ کھیلاں دے مدیان تے پارکس نوں نیلام کیتا جارہیا اے۔ اوہناں نے مزیدآکھیا اے کہ عمران صاحب “سبھ ویچ دیو” دے ایجنڈے اتے کاربند نیں ۔

اپنا تبصرہ گھلو