عثمان بزدار نے پولیس وچ ترقیاں لئی نوا قنون منظور کر لیا: فردوس عاشق اعوان

لہور(پنجابی میڈیا گروپ))وزیراعلی دی معاونِ خصوصی ڈاکٹر فردوس عاشق اعوان داآکھنا سی کہ وزیر اعلی پنجاب عثمان بزدار دی قیادت وچ پلیس ریفارمز دا عمل جاری اے۔ جدکہبزدارسرکار نے SPs تے DSPs دی ترقی لئی سروس رولز دی منظوری دیدتی،لہور توں جار یکیتے گئے اپنے اک بیان وچ ڈاکٹر فردوس عاشق اعوان نے آکھیا کہ 21 ایس پیز، 125 ڈی ایس پیز (ایگزیکٹو)تے 100 ڈی ایس پیز (لیگل)دی پروموشن کیتی گئی اے۔ڈاکٹر فردوس عاشق اعوان نے آکھیا کہ پولیسنگ نظام چنگا ہوجاوے گا۔ برساں توں ترقی دے منتظر کانسٹیبل وی برویلے پروموٹ ہوسکن گے۔فردوس عاشق اعوان نے مزیدآکھیا اے کہ پلس دی کارکردگی وچ بہتری، افسران تے اہلکاراں دے رویے تے سوچ وچ تبدیلی لے آرہے آں۔ اوہناں نے ماضی دی سرکار اتے تنقید کردیاں ہویاںآکھیا اے کہ ماضی دے شوبازاں دے وردی تے تبدیل کیتی پر پلس اصلاحات لئی کوئی اقدامات نہیں کیتے۔

اپنا تبصرہ گھلو