نواز شریف تےفضل الرحمن دی فون اُتے گل بات

اسلام آباد (پنجابی میڈیا گروپ)مسلم لیگ (ن) دے قائد میاں نواز شریف تے پی ڈی ایم دے سربراہ مولانا فضل الرحمن دے وچکار ٹیلی فونک رابطہ ہویا اے جہدے وچ یوم یکجہتی کشمیر دے موقع اتے پنج فروری نوں پی ڈی ایم دا جلسہ راولپنڈی لیاقت باغ توں آزاد کشمیر دے دارالحکومت مظفر آباد منتقل کرن دا فیصلہ کیتا گیا اے جدکہ نوازشریف نے بلاول بھٹو زرداری دی عدم اعتماد دی تحریک دی تجویز دی سخت مخالفت کیتی اے تے آکھیا اے کہ ایس قسم دی تجاویز دا مقصد سرکار نوں دوام بخشنا اے تے مسلم لیگ ن ایہدی کدی وی حمایت نہیں کرے گی۔ جہدے اتے مولانا فضل الرحمن نے آکھیا اے کہ ایس معاملے اتے چار فروری نوں پی ڈی ایم دے سربراہی اجلاس وچ گل کراں گے تے چاہنے آں کہ سارے معاملات افہام وتفہیم دے نال اگے ودھن۔ذرائع نے دسیا کہ مولانا فضل الرحمن تے نوازشریف دے وچکار ٹیلی فونک رابطے دے دوران موجودہ سیاسی صورًتحال اتے وی وچار کیتا گیا جدکہ دوواں رہنمائواں نے حالیہ بجلی تے پٹرول دی قیمتاں وچ اضافے اتے وی شدید مذمت دا اظہار کیتا ۔نوازشریف ہوراں نے آکھیا اے کہ ہرفورم اتے حکومتی نااہلی نوں بے نقاب کیتا جاوے۔

اپنا تبصرہ گھلو