پی پی تے (ن) لیگ دے سنجیدہ لوکائی الے ودھن تے متبادل قیادت بنن، فواد چوہدری

اسلام آباد( بیورو رپورٹ ) وفاقی وزیر سائنس و ٹیکنالوجی فواد چوہدری نے آکھیا اے کہ پی پی تے (ن) لیگ دے سنجیدہ لوکائی الے ودھن تے متبادل قیادت بنن۔سماجی رابطیاں دی ویب سائٹ ٹوئٹر تے اپنے اک ٹوئٹ وچ آکھیا اے کہ اپوزیشن نوں سیاسی نابالغاں نے یرغمال بنا لیا اے، سرکار دی طرفوں پا رلیمان وچ رابطہ کار نوں آکھیا جارہیا اے کہ سرکار منتاں کر رہی اے اک وزیر اعلیٰ آکھ رہیا اے کہ میں وفاق نوں جوابدہ ای نہیں واں۔ الیکشن اصلاحات دا آکھیا جاوے تے اوہ ایہدے اتے تیار نہیں۔ فوادچودھری ہوراں نے آکھیا اے کہ ایہہ لوکائی اک دن عدم اعتماد ،دوجے دن لانگ مارچ تے تیجے دیہاڑے استعفے دی گلاں کردے نیں۔ اوہناں نے مزیدآکھیا اے کہ غیر سنجیدہ سیاسی قیدت ملک دے مستقبل لئی خطہ اے۔ پی پی تے (ن) لیگ دے سنجیدہ لوکائی الے ودھن تے متبادل قیادت بنن۔ گورننس، الیکشن تے عدلیہ اصلاحات انتہائی اہم نیں پر ایہدے نابالغ قیادت دے نال کون مذاکرات کرے

اپنا تبصرہ گھلو