سٹینڈرڈ گروپ آف کالجز تے سیالکوٹ پولیس ولوں یادداشت اُتے دستخط

سیالکوٹ پولیس دی خدمات دے اعتراف وچ شہیداں دے بالاں لئی مفت تعلیم

رپورٹ:آفاق بٹ

سیالکوٹ پولیس شہریاں دے جان و مال دی حفاظت لئی بہترین خدمات سر انجام دے رہی اے تے ڈیوٹی دے دوران کئی اہلکار اپنیاں جاناں وی ملک و قوم اُتے نچھاور کر چُکے نیں۔ دُوجے پاسے سٹینڈرڈ گروپ آف کالجز سیالکوٹ وچ بالاں دے بہترین تعلیمی معیار نوں برقرار رکھدے ہوئے اپنی خدمات سر انجام دے رہیا اے۔ سٹینڈرڈ گروپ آف کالجز تے سیالکوٹ پولیس دے وچکار اک معاہدہ طے جیہدے اہم نقاط کجھ اِنج نیں۔

(i)شہید پولیس افسران دے بالاں نوں سٹینڈرڈ گروپ آف کالجز ولوں مفت تعلیم سمیت مفت کتاباں تے سٹیشنری وی فراہم کیتی جائے گی۔

(ii)حاضر سروس تے ریٹائرڈ پولیس افسران دے بالاں نوں 25 تے 50فیصد رعایت تے تعلیم دِتی جائے گی۔
ڈائریکٹر سٹینڈرڈ گروپ آف کالجز سیعد اسماعیل تے ڈی پی او سیالکوٹ حسن علوی نے معاہدے اُتے دستخط کیئے۔ فریقین ولوں مستقبل وچ وی سیالکوٹ شہر دی ترقی وچ ہر ممکن کردار ادا کرن لئی رَل کے کم کرن دا ارادہ کیتا گیا۔