بھارت وچ کشیدگی عروج اتے،بھارتی سرکار نے سیکولر اسٹیٹ دا نظریہ دفن کردتا ،شاہ محمود قریشی

اسلام آباد : وزیر خارجہ شاہ محمود قریشی داآکھنا اے کہ بھارت وچ کشیدگی عروج اتے،بھارتی سرکار نے سیکولر اسٹیٹ دا نظریہ دفن کردتا اے۔بین الاقوامی سطح اتے بھارت ولوں چکے جان والے اقدامات دی مذمت کیتی جارہی اے۔

ایہناں خیالا ت دااظہار اوہناںنے بھارت ولوں مسلمان مخالف قانون سازی تے امن وامان دی صورتحال اتے کیتا۔ دفتر خارجہ توں جاری بیان وچ آکھیا گیا اے کہ بھارت وچ متنازعہ ترمیمی شہریت ایکٹ 2019 دے خلاف وی نہ صرف بھارت وچ بلکہ پوری دنیا وچ بھارتی احتجاج کر رہے نیں ایہدے وچ صرف مسلمان شامل نہیں بلکہ ایہدے وچ اوہ لوکائی وی شامل نیں جہڑا ایہہ سمجھدینیں کہ بھارت سرکارنے سیکولر انڈیا دے نظریے نوں دفن کردتا اے۔

تے ہندوراشٹرا تے ہندتوا دی سوچ نوں مسلط کیتا جا رہیا اے۔وزیر خارجہ شاہ محمود قریشی نے مزیدآکھیا اے کہ ایس احتجاج توں توجہ ہٹان لئی بھارت دا ارادہ وکھائی دے رہیا اے کہ اوہ لائن آف کنٹرول اتے کوئی نہ کوئی شرارت کرے گا۔ بھارت ولوں لائن آف کنٹرول دی خلاف ورزیاں ودھ چکیاں نیں۔