چیئرمین صادق سنجرانی دی زیر صدارت سینیٹ دا اجلاس

اسلام آباد(پنجابی میڈیا گروپ) سینیٹ اجلاس وچ وقفہ سوالات دے دوران دسیا گیا کہ نیب نے پچھلے دو سالاں دے دوران مجموعی طور تے 390ارب روپے دی ریکوری کیتی اے جدکہ پیپلز پارٹی تے مسلم لیگ ن دے دور سرکار وچ صرف 51ارب روپے دی ریکوری ہوئی اے۔ اجلاس دے دوران چیرمین سینیٹ نے ٹائیگر فورس توں متعلق سوالات نوں متعلقہ کمیٹی دے سپرد کردتا۔جمعہ دے روز سینیٹ دا اجلاس چیرمین صادق سنجرانی دی سربراہی وچ شروع ہویا اجلاس دے آغاز وچ جماعت اسلامی دے رکن تے پچھلے رکن اسمبلی حافظ سلمان بٹ لئی فاتحہ خوانی کیتی گئی ۔اجلاس دے دوران سینیٹر ذیشان خانزادہ دے ضمنی سوال دا جواب دیندیاں ہویاں وزیر مملکت برائے پارلیمانی امور علی محمد خان نے دسیاکہ نیب نوں حکومتی پاپندی توں آزاد کیتا گیا اے تے پچھلے 10سالاں دے دوران نیب حکام نے مجموعی طور تے 481ارب روپے دی ریکوری کیتی اے۔ موجودہ سرکار دے دور وچ 390ارب روپے دی ریکوری ہوئی اے۔ سینیٹر جاوید عباسی نے ضمنی سوال کردیاں ہویاں آکھیا ا ے کہ موجودہ حکومت دے دور وچ پلی بارگین دی مد وچ ریکوری کیتی اے جہدے جواب وچ وزیر مملکت علی محمد خان نے آکھیا اے کہ اسیں سبھ پلی بارگین دے خلاف آں۔

اپنا تبصرہ گھلو