سندھ حکومت نے سکول امتحاناں دا طریقہ بدل دتا
کراچی( پنجابی میڈیا گروپ) سندھ حکومت نے کوروناپاروں اسکولاں تے کالجاں وچ سالانہ پیپراںدا طریقہ بدل دتا۔کراچی وچ وزیر تعلیم سندھ سعید غنی دی زیرِ صدارت صوبائی اسٹیرنگ کمیٹی دا اجلاس ہوئیا جس وچ تعلیی اداریاں وچ پڑھائی دا عمل بحال کر دیاں نال ہی سالانہ پیپراں بارے سوچ وچار شروع کر دتی اجلاس توں بعد میڈیا نال گل بات کر دیاں سعید غنی ہوراں آکھیاکہ سرکاری کالجاں دے عملے دے13ہزار750کورونا ٹیسٹ کرائے نیں اوہناں وچ200لوک مریض نکلے نیں، کراچی دے کجھ کالجاں وچ کورونا دے کیسز ساہمنے آئے نیں، وجے وی کراچیدے2کالج کورونا پاروں بند نیں۔ سندھ دے سارے سکول یکم فروری توں کھل جان گے، ایس سال تعلیمی اداریاں وچ گر میاں دیاں چھٹیاں صرف جولائی وچ ہون گی، سندھ وچ نوا تعلیمی سال2 اگست توںشروع ہوئے گا۔
سعید غنی ہوراں آکھیا کہ ایس سال بالاں نوں پیپراں توں بغیر اگلی جماعت وچ نہیں جان گے ، نرسری توںآٹھویں جماعت دے امتحان7جون توںشروع ہون گے، نویں تے دسویں جماعت دے امتحان یکم جولائی توں15جولائی تک جاری رہن گے، گیارہویں تے بارہویں جماعت دے امتحان28جولائی توںشروع ہون گے ۔





















