تعلیمی ادارے کھولن دا وقت آگیا، شفقت محمود
سکھر( پنجابی میڈیا گروپ) وفاقی وزیر تعلیم شفقت محمود آکھدے نیں کہ تعلیمی ادارے کھولن دا وقت آگیا اے۔سکھر وچ میڈیا نال گل بات کر دیاں اوہناں آکھیا کہ کورونا پاروں تعلیم دا وی بوہت نقصان ہوئیا، تعلیمی ادارے کھولن دا وقت آگیا اے، یکم فروری توں سارے پرائمری، مڈل، ہائی سکول کالج تے یونیورسٹیاں وچ پڑھائی شروع ہو جائے گی لیکن اسیں صورتحال دا جائزہ وی لیندے رہواں گے۔وزیر اعظم دے سندھ بارے بیان دی وضاحت کردیاںہوئیاں شفقت محمود نے آکھیاکہ سندھ ساڈا اپنا صوبہ تے پاکستان دا حصہ اے، اسیں سندھ نالمحبت تے پیار کردے آں، سندھ دی تریخ تے ورثہ قابل دید اے، وزیراعظم دے آکھن دا مقصد سی کہ سندھ وچ ساڈی حکومت نہیں۔
Load/Hide Comments





















