کورونا ویکسین لین پی آئی اے دی بجائے پاک فضائیہ دا طیارہ کل چین جائے گا

اسلام آباد(پنجابی میڈیا گروپ)کورونا ویکسین دی پاکستان منتقلی دے انتظامات مکمل کر لیتے گئے، ویکسین پاکستان لیانلئی پی آئی اے دی جگہ ایئر فورس دی خدمت حاصل کر لی گئی۔
تفصیلات دے مطابق چین نے پاکستان نوں5 لکھ ویکسین مفت دین دا اعلان کیتا اے، جس دے بعد بیجنگ توں ویکسین پاکستان لیان لئی انتظامات مکمل ہو گئے نیں، کورونا ویکسین لیان دا پلان بدل دتا، ویکسین پاکستان لیان لئیپی آئی اے دی جگہ ائیر فورس دا طیارہ جائے گا۔ذرائع دا آکھنا اے کہ کورونا ویکسین یکم فروری نوں پاکستان اپڑ جائے گی، پہلی واری وچ کورونا ویکسین دی 5 لکھ خوراکاں آن گیاں، پاک فضائیہ دا خصوصی طیارہ کورونا ویکسین پاکستان لیائے گا، پاک فضائیہ دا آئی ایل 78 طیارہ ویکسین لیان لئی چین جائے گا۔

اپنا تبصرہ گھلو