یو اے ای دا محنتی غیر ملکی شہریاں نوں شہریت دین کا اعلان

دبئی( پنجابی میڈیا گروپ)متحدہ عرب امارات(یو اے ای)نے غیرملکی تاجراں، طبی ماہرین، سائنسداناں تے محنتی لوکاں نوں شہریت دین دا اعلان کیتا اے۔
واضح رہے کہ متحدہ عرب امارات وچ ہون والی قنون وچ ایس ترمیم وچ غیرملکی لئی دہری شہریت رکھن دا آپشن وچ شامل اے۔ ایس ترمیم دا مقصد غیر معمولی صلاحیتاں والیاں نوں ملک دی ترقی تے تعمیر وچ شامل کرنا تے اوہناں لوکاں دے معاشرتی استحکام نوں یقینی بنانا اے۔ٹوئٹر اُتے وزیراعظم محمد بن راشد المکتوم نے غیرملکیاں نوں شہریت دین دا اعلان کردیاں ہوئیاں لکھیا کہ اسیں قنون وچ ترمیم کیتی اے جس وچ لکھیا اے کہ سرمایہ کار، طبی ماہر، سائنسدان، انجینئرز، آرٹسٹ، مصنف یا چنگی صلاحیت دے غیر ملکیاں تے اوہناں دے اہل خانہ نوں وی شہریت دتی جائے گی۔

اپنا تبصرہ گھلو