احتساب عدالت: شہباز شریف دے خلاف منی لانڈرنگ کیس دی سماعت 10 فروری تیک لئی ملتوی
لہور (سٹی رپورٹر) لہور دی احتساب عدالت وچ پاکستان مسلم لیگ ن دے صدر تے اپوزیشن لیڈر قومی اسمبلی شہباز شریف تے ایہناں دے صاحبزادے اپوزیشن لیڈر پنجاب اسمبلی حمزہ شہباز دے خلاف منی لانڈرنگ کیس دی سماعت کردیاں ہویاں آئندہ سماعت 10فروری تیک لئی ملتوی کردتی اے۔سماعت دے دوران شہباز شریف نے منی لانڈرنگ کیس دی سماعت دے دوران ٹرانسپرنسی انٹر نیشنل دی رپورٹ دا ذکرچھیڑ دتا ۔ شہباز شریف نے روسٹرم اتے اک واری فیر اپنی صفائی وچ بیان دینا شروع کر دتا۔ شہبازشریف نے کرپشن دے حوالے توں ٹرانسپرنسی انٹرنیشنل دی رپورٹ عدالت وچ پیش کردیاں ہویاں آکھیا کہ جج صاحب ایہہ ویکھو ، ساڈی سرکار وچ ایہہ کرپشن نہیں سی ۔فاضل جج نے شہباز شریف نوں ٹوکدیاں ہویاں آکھیا کہ مینوں کیس شروع کرن دیو میرا ویلا ضائع نہ کیتا جاوے۔
Load/Hide Comments





















