فرنٹ لائن ورکرز قوم دے حقیقی ہیرو نیں، اسد عمر

اسلام آباد ( پنجابی میڈیا گروپ)وفاقی وزیر منصوبہ بندی تے کورونا وائرس دی مانیٹرنگ لئی بنائے گئے نیشنل کمانڈ اینڈ کنٹرول سینٹر (این سی او سی) دے سربراہ اسد عمرداآکھنا اے کہ فرنٹ لائن ورکرز قوم دے حقیقی ہیرو نیں۔این سی او سی دے مطابق ملک بھر وچ نیشنل ایمیونائزیشن ڈرائیو دا آغاز کردتا گیا اے، این سی او سی ولوں ملک بھر وچ بیک وقت مہم دا آغاز کیتا گیا۔افتتاحی تقریب وچ وفاقی وزیر اسدعمر، لیفٹیننٹ جنرل حمود الزماں، وفاقی وزیر فواد چوہدری، معاون خصوصی ڈاکٹرفیصل سلطان تے ڈاکٹر ثانیہ نشتر نے شرکت کیتی۔تقریب دے مہمانِ خصوصی چینی کمرشل منسٹر کونسلرزی گوشیانگ سن۔پاکستان، کورونا ویکسین دی سپلائی لئی نیشنل امیونائزیشن مینجمنٹ سسٹم قائم اکٹھ وچ اسد عمر ولوں ہیلتھ کئیر ورکرز دی خدمات نوں خراج تحسین پیش کیتاگیا، اسد عمرہوراں نے مزیدآکھیا اے کہ فرنٹ لائن ورکرز قوم دے حقیقی ہیرو نیں ، بے شک اوہناں نے کرونا وائرس دے خلا فجنگ وچ اپنی جاناں نوں دائو اتے لگایا۔ اسد عمر نے آکھیا کہ بحران دے دوران مسلسل معاونت اتے چینی سرکار دا وی شکریہ ادا کیتا۔

اپنا تبصرہ گھلو