ڈائیلسز مشین پاکستان وچ وی چھیتی بننا شروع ہو جائے گی:فواد چوہدری

اسلام آباد(پنجابی میڈیا گروپ) وفاقی وزیر برائے سائنس وٹیکنالوجی فواد چوہدری داآکھنا اے کہ جلد ڈائیلسز دی مشین ملک وچ بننا شروع ہوجاوے گی،سینیٹر مشتاق احمد د ی زیر صدارت قائمہ کمیٹی سائنس وٹیکنالوجی دا اجلاس منعقد ہویا، ایس دوران فواد چوہدری نے آکھیا کہ ساڈی وزرات دی کجھ کامیابیاں تے کجھ نکامیاں نیں۔ جدوں کرونا وائر سآیا تے ساڈے کول ماسک تیک نہیں بنندا سی۔ فوادچودھری ہوراں نے مزیدآکھیا اے کہ پاکستان ایس ویلے کرونا وائرس دا سامان برآمد کر رہیا اے۔ ایس سال صحت دے آلات ملک وچ بننا شروع ہوچکے نیں۔اوہناں نے مزیدآکھیا اے کہ الیکٹرانک وہیکل لے آنا ساڈی بڑی کامیابی اے۔فواد چوہدری نے مزیدآکھیا اے کہ رواں سال اسیں پاکستان دی سب توں وڈی اسکالر شپ دین جارہے آں۔ میٹر ک توں پی ایڈ ڈی تیک اسکالر شپ دا اعلان کرن جارہے آں۔ اوہناں نے آکھیا ہر ضلع دے میٹرک دے 10ٹاپر نوں ماہانہ 10ہزار روپے دیاں گے۔ ایف اے دے ہر ضلع دے پہلاں 10ٹاپر نوں 12ہزار ماہانہ وظیفہ دین دا منصوبہ اے۔

اپنا تبصرہ گھلو