کورونا نے ہور 56بندیاں دی حیاتی کھا لئی، دیس وچ 1384نویں مریض
اسلام آباد( پنجابی میڈیا گروپ)کورونا وائرس نال 56بندے جاں بحق ہو گئے جہدے بعد موتاں دی تعداد 11ہزار 802ہو گئی۔ پاکستان وچ کورونا دے تصدیق شدہ کیساں دی تعداد5لکھ 49ہزار 32ہو گئی۔نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹیاں دے دوران اک ہزار 384 نویںکیسز رپورٹ ہوئے، پنجاب وچ اک لکھ 58 ہزار 793، سندھ وچ 2 لکھ 48 ہزار 270، خیبر پختونخوا وچ 67 ہزار 589، بلوچستان وچ 18 ہزار 836، گلگت بلتستان وچ 4 ہزار 910، اسلام آباد وچ 41 ہزار 561 جد کہ آزاد کشمیر وچ 9 ہزار 73 کیسز رپورٹ ہوئے۔ملک بھر وچ ہن تک 80 لکھ 41 ہزار 254 بندیاں دے ٹیسٹ کیتیگئے، پچھلے24 گھنٹیاں دے دوران 35 ہزار 460 نویں ٹیسٹ کیتے گئے، ہن تک 5 لکھ 4 ہزار 46 مریض صحت یاب ہوچکے نیں جد کہ2 ہزار 16 مریضاں دی حالت تشویشناک اے۔
Load/Hide Comments





















