کراچی :ات گردی دا خطرہ

کراچی( پنجابیمیڈیا گروپ)ات گردی دے حملے دے وڈے خطرے پاروں نیکٹا نے ہائی الرٹ جاری کر دتا۔ سکیورٹی ذرائع دے مطابق ات گرد آؤن والے دناں وچ اہم سرکاری عمارت تے حملے دا منصوبہ بنا رہے نیں۔ شہر دے قریبی علاقے وچ بارود نال بھری گڈی تیار کیتی گئی اے جد کہ ات گرد خودکش حملے سنے گڈی یا رکشے دی مدد نال حملے دی منصوبہ بندی کر رہے نیں۔ نیکٹا نے 8جنوری نوں وی کراچی وچ ات گردی دے حملے دا الرٹ جاری کیتا سی۔ انسداد ات گردی دے ادارے نے ہدایت جاری کردیاں آکھیا اے پلس، رینجرز تے متعلقہ ادارے سکیورٹی انتظامات نوں یقینی بناؤن۔ دوجے پاسے محکمہ داخلہ سندھ نے آئی جی سندھ نوں وی خطرے توں آگاہ کر دتا اے جد کہ نیکٹا دے تھریٹ الرٹ دے بعد کراچی وچ سکیورٹی نوں ہائی الرٹ کر دتا گیا اے۔

اپنا تبصرہ گھلو