سیاسی جماعتاں وچ وی ڈکٹیٹر بیٹھے ہوئے نیں:چیف جسٹس پاکستان

اسلام آباد( پنجابی میڈیا گروپ)چیف جسٹس پاکستان جسٹس گلزار احمد ہوراں آکھیا کہ سیاسی جماعتاں دے اندروی جمہوریت ہونی چاہیدی اے۔پنجابی میڈیا دے مطابق چیف جسٹس گلزار احمد دی سربراہی وچ سپریم کورٹ دے5رکنی لارجر بنچ نے سینٹ الیکشناوپن بیلٹ توں کروان بارے صدارتی ریفرنس اُتے سماعت کیتی، اٹارنی جنرل خالد جاوید نے دلائل دا آغاز کردیاں آکھیاکہ لوگ ایم پی ایز نوں ووٹ ایس دی پارٹی دی وجہ نالدیندے نین، پارٹی دے خلاف ووٹ دینا عوامی اعتماد نوں ٹھیس پہنچانا ہوئے گا۔اٹارنی جنرل ہوراں آکھیا کہ آزاد امیدوارجس نوں چاہن ووٹ دے سکدااے۔ چیف جسٹس نے استفسار کیتا کہ آزاد امیدوارنوں تجویز تے تائیند کنندہ کیتھوں ملن گے؟۔ اٹارنی جنرل نے جواب دتا کہ حکومت وچ آنیوالی جماعت انتخابی وعدے پورے کرنے دیگل کردی اے، سینیٹ وچ اکثریت پوری نہ ہوئے تے وعدے کس طرح پورے ہون گے؟۔چیف جسٹس نے ریمارکس دتے کہ پارٹی وچ ڈسپلین نہ ہوئیا تے ایوان وچ اکثریت کس طرح رہے گی؟، سیاسی جماعتاں دے اندروی جمہوریت ہونی چاہیدی اے، سیاسی جماعتاں وچ وی ڈکٹیٹر بیٹھے ہوئے نیں، پاکستان وچ تقریبا ساری جماعتاں ون وچ پارٹی نیں۔

اپنا تبصرہ گھلو