اپوزیشن استعفے دین آئی پرراتوں رات کیہ ہوئیا:راز کھولنا نہیں چاہندے: شاہ محمود قریشی
اسلام آباد( پنجابی میڈیا گروپ) شاہ محمود قریشی آکھیا اے اپوزیشن استعفے دین آئی سی، راتوں رات کیہ ہویا، راز کھولنا نہیں چاہندے، استعفے منہ تے مارن والے منہ دی کھا رہے نیں۔ وزیر خارجہ شاہ محمود قریشی نے قومی اسمبلی وچ اظہار خیال کردیاں آکھیا اپوزیشن دا رویہ تے طور طریقے پارلیمنٹ دے تقدس نوں پامال کر رہے نیں، خرید فروخت نال آن والے لوک کیہ وفاق تے آئین دا دفاع کرن گے؟ خرید و فروخت نال آن والے لاک اپنی تجوریاں بھرن گے، پچھلے سینیٹ انتخابات وچ وی لوکاں نے اپنے ضمیر ویچے، تحریک انصاف نے اپنے 20اراکین دی رکنیت معطل کیتی۔ شاہ محمود قریشی دا کہنا سی اسیں سینیٹ وچ اقلیت وچ سی، پیپلزپارٹی تے (ن) لیگ نے اوپن بیلٹنگ تے بحث کرائی، اسیں گلا سڑیا بوسیدہ نظام ختم کرکے نواں نظام متعارف کرانا چاہندے نیں، میثاق جمہوریت دے علمبرداراں نوں بے نقاب کیتا جائے گا، ہاتھی دے دند وکھان دے تے چبان دے ہور ہوندے نیں۔ اپوزیشن کہندی کجھ اے تے چاہندی کجھ ہور اے، ساڈے کول 2تہائی اکثریت نہیں، اج پوری اپوزیشن آزمائش دی گھڑی وچ مبتلا اے۔





















