کشمیریاں دی جدوجہد نوں سلام پیش کرنے آں ، سربراہ افواج پاکستان
راولپنڈی(پنجابی میڈیا گروپ ) سربراہ افواج پاکستان جنرل قمر جاوید باجوہ نے آکھیا اے کہ کشمیری عوام دی جدوجہد نوں سلام پیش کرنے آں ،ایہناں دی جدوجہد نوں سلام پیش کرنے آں۔ ویلا آگیا اے کہ انسانی المیہ نوں ختم کیتا جاوے۔ پاک فوج دے شعبہ تعلقات عامہ(آئی ایس پی آر)دے مطابق آرمی چیف جنرل قمر جاوید باجوہ نے آکھیا اے کہ کشمیری عوام قابض بھارتی فوج دے لاک ڈائون دا ساہمنا کر رہے آں۔ مسئلہ کشمیر نوں کشمیری عوام دی خواہشات تے اقوا م متحدہ دی قرارداداں دے مطابق حل ہونا چاہیدا اے۔ آرمی چیف جنرل قمرجاوید باجوہ ہوراں داآکھنا سی کہ کشمیر توں متعلق پاکستان دی غیرمشروط حمایت داوقتاً فوقتاً دا اظہار کردے رہندے نیں۔ پچھلے روز لہور گریژن دے افسران دے نال خطا ب دے دوران اوہناں نے آکھیا اے کہ کشمیر سنے خطے دے عوام دیرپا امن دا حق رکھدے نیں۔کشمیریاں دی خواہشات دے مطابق کشمیر دے حل لئی پرعزم نیں۔ ساڈی امن دی خواہش نوں کمزوری نہ سمجھیا جاوے ۔ مسلح افواج ہر طرحاں دے خطرات دے نال نمٹن دی صلاحیت رکھدی اے۔





















