مقبوضہ کشمیر دی عوام مسلسل قربانیاں دے رہے نیں:ڈاکٹر عارف علوی
مظفر آباد (پنجابی میڈیا گروپ) صدرمملکت ڈاکٹر عارف علوی نے کشمیریاں نوں حق خودارادیت دے حصول دی جدوجہد اتے خراج تحسین پیش کردیاں ہویاں آکھیا اے کہ کشمیری اپنے ساتھ ہون والے مظالم نوں کدی وی بھل نہیں سکدے۔ مقبوضہ کشمیر دے عوام مسلسل قربانیاں دے رہے نیں۔ مسئلہ کشمیر اتے اپنی سفارتی مشین دی رفتار نوں تیز کرن دی لوڑ اے۔ مقبوضہ کشمیر دی حیثیت تبدیل کرنا بھارت دا خطرناک منصوبہ اے۔ بھارت اک غیر ذمہ دارجوہری ریاست اے اوہ اپنی تباہی دا بٹن خود دبا رہیا اے۔ اوہ جس طرف جارہیا اوہ اگ دے نال کھیڈ رہیا اے۔ بھارت اقوام متحدہ دی قرارداداں توں نس رہیا اے۔ بھارت بین الاقوامی قوانین دی کھلی خلاف ورزی کررہیا اے ،صدرعاری علوی ہوراں نے مزیدآکھیا اے کہ 2018 دی یو این رپورٹ وچ اقوام متحدہ نے مقبوضہ کشمیر وچ بھارتی مظالم نوں اجا گر کیتا۔عالمی برادر ی دے نال اپیل اے کہ بھارت دے انسانیت دے خلاف سنگین جرائم اتے ایہدا محاسبہ کرے۔





















