منزل حاصل کرن تک کشمیریاں نال کھڑے رواں گے،شاہ محمود قریشی

اسلام آباد(پنجانبی میڈیا گروپ)وزیر خارجہ مخدوم شاہ محمود قریشی نے آکھیا اے کہ ساڈی منزل تے سوچ اک ،منزل دے حصول تیک کشمیریاں دے نال کھڑے رواں گے۔کشمیریاں اتے ظلم وستم جاری اے پر کشمیریاں دے حوصلے پست نہیں ہوئے۔ دن بدن کشمیریاں دی آزادی دی تحریک زندہ ہو رہی اے۔ پاکستان دے سارے مکاتب فکر ،سیاسی جماعتاں تے ادارے مسئلہ کشمیر اتے اک سوچ رکھدے نیں۔ کامیابی کشمیریاں دا مقصدر بنے گی۔ میڈیا دے نال وزیرخارجہ شاہ محمود قریشی ہوراں داآکھنا سی کہ عالمی میڈیا نوں دعوت دیناواں کہ حالات دا جائزہ لین آئے تساںآزاد کشمیر جائو گے۔یوم یکجہتی کشمیر ریلی دے نال خطاب کردیاں ہویاں وزیر خارجہ شاہ محمود قریشی نے مزیدآکھیا اے کہ کشمیریاں دے نال اظہار یکجہتی لئی چیئرمین سینیٹ سینیٹ،سپیکر تے وزرا سنے سارے اراکین پارلیمنٹ موجود نیں۔وزیرخارجہ نے آکھیا کہ آزادی دے خلاف نعرے بلند ہوئے تے دنیادی توجہ حاصل کراں گے۔ پورے ملک وچ کشمیر دی آزادی دے خواہشمند اج یکجہتی دا اظہار کر رہے نیں۔

اپنا تبصرہ گھلو