کشمیر کئی ورھیاں توں جیل بنیا ہویا اے:سینیٹر شیری رحمان
اسلام آباد(پنجابی میڈیا گروپ)پاکستان پیپلز پارٹی دی نائب صدر سینیٹر شیری رحمان نے یوم یکجہتی کشمیر اتے اپنے پیغام وچ آکھیا اے کہ کشمیر دے سارے بہن بھائیاں دے نال یکجہتی دا اظہار کرنے آں۔ اوہناں نے آکھیا اے کہ 1990 وچ پہلی واری شہید محترمہ بینظیر بھٹو نے سرکاری سطح اتے ایہہ دن منا د اا اعلان کیتا،اج شہید محترمہ بینظیر بھٹو دی وجہ توں دنیا بھر وچ پاکستانی یوم یکجہتی کشمیر منارے آں۔ اوہناں نے آکھیا اے کہ پیپلزپارٹی کشمیر دا کیس ہر فورم اتے لڑی اے تے لڑدی روے گی۔ شیری رحمان نے آکھیا کہ کشمیر اک سال چھ ماہ توں جیل بنیا ہویا اے۔ کشمیری بہن بھرا لاک ڈائون، کرفیو تے مارشل لاء دا ساہمنا کررہے آں۔ اوہناں نے آکھیا اے کہ عالمی برادری نے کشمیر وچ اک آزاد تے منصفانہ رائے شماری دا وعدہ کیتا سی جدکہ عالمی برادری اپنے وعدے دے نال مونہہ موڑ چکی اے۔
Load/Hide Comments





















