حکومت نوں کشمیریاں دے مستقبل دا فیصلہ کرن دا کوئی حق حاصل نہیں اے: مولا نا فضل الرحمن

مظفر آباد(پنجابی میڈیا گروپ)پاکستان ڈیموکریٹک موومنٹ(پی ڈی ایم) دے سربراہ تے امیر جمعیت علمائے اسلام(ف)مولانا فضل الرحمن ہوراں آکھیاکہ ناجائز تینااہل حکومت نوں کشمیریاں دے مستقبل دا فیصلہ کرن دا کوئی حق حاصل نہیں اے۔مظفرآباد وچ یوم یکجہتی کشمیر دے سلسلے وچ ہون والے جلسے نال خطاب کر دیاں مولانا فضل الرحمان ہوراں آکھیا کہ اج پاکستان وچ کشمیر دیعوام دے نال یکجہتی دا دن منایا جارہیا اے تے پی ڈی ایم دی قیادت براہ راست یکجہتی دا مظاہرہ کرن لئی مظفر آباد وچ موجود اے۔اوہناں آکھیا کہ ہر کشمیری پاکستان دے نال اے، ایس دا دل تے جذبات پاکستان نال وابستہ نیں تے جیہڑے لوگ کشمیریاں نوں پاکستان توں وکھ کرن دی کوشش کر رہے نیں آن والی تریخ اوہناں نوں کدی معاف نہیں کرے گی۔

اپنا تبصرہ گھلو