کسی نے مایوسی ویکھنی ہوئے تے اوہ مولانا فضل الرحمان دی تصویر ویکھ لے، فواد چوہدری

لہور( پنجابی میڈیا گروپ) وفاقی وزیر سائنس وٹیکنالوجی فواد چوہدری دا کہنا سی کہ کسی دی مایوسی ویکھنی اے تے اوہ مولانا فضل الرحمان دی تصویر ویکھ لے۔
اداکار شان دی والدہ دی تعزیت دے موقع اُتے میڈیا نال گل بات کر دیاں وفاقی وزیر سائنس تیٹیکنالوجی فواد چوہدری ہوراں آکھیاکہ پی ڈی ایم نوں سمجھ نہیں آرہی کہ اوہناں کرنا کیہ اے، مریم نواز تے بلاول بھٹو دیاں اکھاں توں مایوسی جھلک رہی اے، اگر کسی نے مایوسی ویکھنی اے تے اوہ مولانا فضل الرحمان دی تصویر ویکھ لے۔ جس دی وجہ نال اج پاکستان نوں ایہ دن ویکھنا پہ رہیا اے اوہ ساہنوں اج مشورے دے رہے نیں، اوہ لوگ مہنگائی دی گل کر رہے نیں جس دی وجہ نال عوام بیمار ہوئی، مریم نواز تے بلاول بھٹو دسن اوہ ایسا کیہ کرن گے جو پچھلے تیس ورھیاں وچ نہیں کرسکے، اوہناں دی کوشش اے عدالتاں توں اوہناں نوں ریلیف مل جائے۔

اپنا تبصرہ گھلو