حکومت نے روسی ویکسین ایمرجنسی استعمال کرن دی اجازت دے دتی

اسلام آباد( پنجابی میڈیا گروپ) اسپوٹنک فائیو دے ہنگامی استعمال دی اجازت ڈریپ رجسٹریشن بورڈ نے دتی۔میڈیا دے مطابق حکومت نے روسی ویکسین ایمرجنسی استعمال دی اجازت دے دتی ، اسپوٹنک فائیو دے ہنگامی استعمال دی اجازت ڈرگ ایکٹ1976ء دے سیکشن7دے تحت ڈریپ رجسٹریشن بورڈ نے دتی اے، ڈریپ منظوری توں بعد اسپوٹنک فائیو ویکسین پاکستان وچ استعمال ہوسکے گی۔ذرائع دا کہنا اے کہ کراچی دی نجی فارما کمپنی نے ویکسین دے ہنگامی استعمال دی اجازت منگی سی، جس دی ڈریپ رجسٹریشن بورڈ نے منظوری دے دتی اے، تے ہن اسپوٹنک فائیو نوں نجی فارما کمپنی ولوںدرآمد کیتا جائے گا، لیکن فارما کمپنی نوں ویکسین دے ہنگامی استعمال دی اجازت تین مہنیاں لئی دتی گئی اے تے ایہ اجازت نامہ یکم اپریل تک رہے گا

اپنا تبصرہ گھلو