راج کپور خاندان دا اک ہور چراغ بُجھ گیا راجیو کپور دُنیا توں ٹُر گئے

ممبئی( پنجابی میڈیا گروپ)راجیو کپور نے1983ء وچ بالی ووڈ دی فلم (ایک جان ہیں ہم) توں اپنے فلمی کیریئر دا آغاز کیتا لیکن اوہناں نوں(رام تیری گنگا میلی) فلم توں شناخت ملی۔
تفصیل دے مطابق بالی ووڈ دے لیجنڈ ڈائریکٹر راج کپور دے چھوٹے صاحبزادے راجیو کپور دل دے دورہ نال دُنیا توں ٹُر گئے۔ اوہناں دی عمر58ء ورھے سی۔ پچھلے سال اوہناںدے وڈے بھائی رشی کپور وی کینسر نال لڑدے لڑدے فوت ہو گئے سن۔بھارتی فلم انڈسٹری دے ممتاز اداکار تے ڈائریکٹر راج کپور دے خاندان دا اک ہور چراغ بُجھ گیا، اوہناں دے سب توں چھوٹے صاحبزادے راجیو کپور دی ویموت ہو گئی اے۔ انڈین میڈیا دے مطابق راجیو کپور نوں دل دا دورہ پیا جیہڑا کہ جان لیوا ثابت ہوئیا، اوہناں نوں طبی امداد لئی ہسپتال لے جایا گیا لیکن اوہ رستے وچ ہی دُنیا چھڈ گئے

اپنا تبصرہ گھلو