اسلام آباد ہائی کورٹ حملہ:تحقیقات لئی جے آئی ٹی بنان دا فیصلہ

اسلام آباد( پنجابی میڈیا گروپ) ہائی کورٹ اُتے وکیلاں ولوں کیتے گئے حملے دی تحقیقات لئی جے آئی ٹی بنان دا فیصلہ کیتا گیا اے۔چیف جسٹس اسلام آباد ہائی کورٹ جسٹس اطہر من اللہ نے ہائی کورٹ حملے دے بعد وکیلاں نوں پھڑنا تے اوہنا نوں ہراساں کرن بارے کیس اُتے سماعت کیتی ۔اسلام آباد پولیس نے ہائی کورٹ واقعے اُتے جے آئی ٹی بنان دی تجویز دتی جس نوں عدالت نے منظور کرلیا۔چیف جسٹس نے ریمارکس دتے کہ کوئی وی قنون توں بالاتر نہیں تے نا ہی ہائی کورٹ اُتے حملے دے واقعے نوں کسی صورت نظر انداز کیتا جائے گا، ہن سب نوں پتہ اے اوہ کیہڑے لوگ سن جناں نے ایتھے حملہ کیتا، جیہڑا ایتھے آیا اوہ وکیل بن کے نکلیا باہروں تے کوئی نہیں سی ادھے توں ودھلوکاں نوں میں جاندا واں، جیہڑے مارچ لئی وکیلاں نوں مشتعل کیتا تے جناں حملہ کیتا سب ایس وچ شامل نیں۔

اپنا تبصرہ گھلو