اپوزیشن نہیں چاہندی کہ سیاست وچوں پیسے دا کلچر ختم ہوئے، شبلی فراز
پشور( پنجابی میڈیا گروپ) وفاقی وزیر اطلاعات شبلی فراز ہوراں آکھیا کہ شفاف الیکشن نال جمہوری نظام مضبوط ہندا اے اپوزیشن نہیں چاہندی کہ سیاست وچوں پیسے دا کلچر ختم ہوئے۔
پشور وچ سینیٹ الیکشن لئی کاغذات نامزدگی جمع کران توں بعد میڈیا نال گل بات کردیاں وفاقی وزیر شبلی فراز ہوراں آکھیا کہ اپوزیشن دی اوپن بیلٹنگ دی مخالفت سمجھ توں بالاتر اے، ماضی وچ جنے وی الیکشن ہوئے اوس اُتے انگلیاں چُکیاںگئیاں، ایسا نظام بنانا چاہندے آں کہ کوئی انگلی نہ چُکے۔شبلی فراز ہوراں آکھیا کہ شفاف الیکشن نال جمہوری نظام مضبوط ہندا اے، لیکن اپوزیشن نہیں چاہندی سیاست توں پیسے دا کلچر ختم ہوئے، اپوزیشن آپ نوںماضی توں علیحدہ نہیں کرنا چاہندی، اپوزیشن نوں عوام دے ساہمنے جوابدہ ہونا پئے گا۔
Load/Hide Comments





















