دُجیاں اُتے ووٹ خریدن دالزام لان والیاں دااپنا ہی ویڈیو سکینڈل پھڑیا گیا: مریم اورنگزیب

اسلام آباد (پنجابی میڈیا گروپ) پاکستان مسلم لیگ (ن) دی ترجمان مریم اورنگزیب نے آکھیا اے کہ عمران خان دے خلاف سینیٹ ٹکٹ بیچنے اتے ایہناں دی اپنی جماعت نے بغاوت کردتی ۔پارٹی دی بغاوت نے عمران خان صاحب دے اوپن بیلٹ دے شوشے دی قلعی کھول دتی اے۔ قوم نوں پتہ چل گیا اے کہ اوپن بیلٹ دا شور عمران صاحب اپنی پارٹی نوں بلیک میل کرن لئی کر رہے سن۔ اپنے بیان وچ مریم اورنگزیب نے آکھیا دوہفتیاں توں وزیراعظم عمران خان اوپن بیلٹ دا شور مچا کے ہلکان ہورہے سن ہن پتہ چلیا کہ پارٹی نے بغاوت کردتی اے۔ عمران صاحب نے دوجیاں اتے ووٹ دی خرید وفروخت دا الزام لگایا تے اپنا ویڈیو سکینڈل پھڑیا گیا۔ اوہناں نے آکھیا اے کہ عمران صاحب نے دوجیاں اتے الزام لگایا تے خود آٹا‘چینی ‘دوائی چوری وچ پھڑے گئے۔ عمران صاحت جس چیز دا شور مچاندے نیں یا نوٹس لیندے نیں۔ اودھے وچوں خود چورنکلے نیں۔

اپنا تبصرہ گھلو