الیکشن کمیشن دے احکامات نہ منن اتے پلیس نے حلیم عادل شیخ نوں حراست وچ لے لیا

کراچی( بیورورپورٹ)پی ایس 88 وچ الیکشن کمیشن آف پاکستان دے قوانین دی خلاف ورزی کرن اتے پلیس نے اپوزیشن لیڈر سندھ اسمبلی حلیم عادل شیخ نوں گرفتار کر لیا ۔ تفصیلات دے مطابق پی ایس88 وچ ضمنی چنائو لئی پولنگ جاری اے ، ایس دوران پی ٹی آئی رہنما حلیم عادل شیخ مسلح محافظاں دے نال حلقے وچ گشت کررہے سن۔تاج حیدر نے ایس توں متعلق الیکشن کمیشن نوں شکایت کیتی تے مسلح افرا نوں حلقے توں بار کڈن دی درخواست کیتی جہدے اتے الیکشن کمیشن نے حلیم عادل شیخ نوں حلقے توں بار جان دا حکم دتا۔ الیکشن کمیشن آف پاکستان ولوں نوٹی فکیشن جاری کیتا گیا کہ حلیم عادل شیخ نوں فوری طور تے حلقے توں بار کڈیا جاوے جہدے اتے حلیم عادل شیخ دی پلیس دے نال تلخ کلامی وی ہوئی ، حلیم عادل شیخ نے حلقے توں بار جان توں انکار کیتا تے پلس نے سندھ اسمبلی وچ اپوزیشن لیڈر حلیم عادل شیخ نوں گرفتار کر لیا۔

اپنا تبصرہ گھلو