کورونادے باوجود ساڈی معیشت ومضبوط ہو رہی اے: عمران خان
اسلام آباد(پنجابی میڈیا گروپ ) وزیراعظم عمران خان نے آکھیا اے کہ اسیں پاکستان دی تاریخ دے ریکارڈ قرضے واپس کیتے تے مجموعی طور تے مجموعی طور تے 6 ہزارارب روپے قرض دی قسطاں دی مد وچ دتے نیں۔ کورونا دے باوجود ملکی معیشت مثبت سمت وچ تے ایہدے وچ استحکام آرہیا اے کہ بیرون ملک مقیم پاکستانی ملک دا وڈا اثاثہ نیں، شوکت خانم فنڈز وچ بیرون ملک پاکستانیاں نے ودھ چڑھ کے حصہ لیا۔ جمعرات نوں اسلام آباد وچ روشن ڈیجیٹل اکاؤنٹ دی تقریب دے نال خطاب کردیاں ہویاں وزیراعظم عمران خان نے آکھیا اے کہ سرکار وچ آن دے بعد سبھ توں وڈا مسئلہ مالی خسارہ سی۔ جہدا سبھ توں زیادہ اثر ملک دی کرنسی اتے ہوندا ے۔ کرنسی ڈگدی اے تے سبھ توں زیادہ بوجھ غریب اتے پیندا اے۔ غریب عوام تے تنخواہ دار طبقے نوں مشکلاں دا ساہمنا اے۔ اسیں پاکستان دی تاریخ دے ریکارڈ قرضے واپس موڑے نیں۔ ڈھائی سال وچ 20 ارب ڈالر واپس کرچکے آں، یعنی ہن تیک 6 ہزار ارب روپے قرضیاں دی قسطاں دی مد وچ دے چکے آں۔اج تیک کسی سرکار نے اتنے قرضے واپس نہیں کیتے۔ وزیراعظم عمران خان ہوراں نے مزیدآکھیا اے کہ کرونا دے دور وچ ساڈی برآمدات وچ ریکارڈ اضافہ ہویا اے۔ جدوں تیک روپیہ مضبوط نہیں ہووے گا۔ معیشت مضبوط نہیں ہووے گی۔
