پچھلے حکمراناں بوہت شاہ خرچی کیتی: شبلی فراز

پشاور ( پنجابی میڈیا گروپ) وفاقی وزیر برائے اطلاعات شبلی فراز داآکھنا اے کہ ماضی وچ کمزور طبقے لئی کجھ نہیں کیتا گیا۔ ‘ماضی وچ مقروض ملک دے حکمراناں نے شاہ خرچی کیتیاںشبلی فراز نے پشاور وچ میڈیا دے نال گل بات دے دوران ٰآکھیا اے کہ پچھلے حکمراناں نوں کھانسی وی آئوندی سی تے اوہ علاج کروان بیرون ملک جاندے سن۔ اوہناں نے معاشی طور تے ک مزور طبقے لئی کجھ نہیں کیتا۔ ایہہ لوکائی قانون توں نسے ہوئے نیں۔ خود نوں قانون توں بالاتر سمجھدے نیں۔ وفاقی وزیر اطلاعات شبلی فراز ہوراں نے آکھیا اے کہ وزیراعظم عمران خان نے کفایت شعاری دا طرز اپنایا، عمران خان نے بوہت سادہ زندگی گزاری تاکہ اخراجات گٹھ ہو سکن۔ اوہ اپنے گھر وچ رہندے نیں۔ ایہناں دے نہ تے کیمپ آفس نیں تے نہ ای ایہناں دے بیرون ملک دوریاں دے نال ملکی خزانے اتے بوجھ پیا۔ شبلی فراز نے مزیدآکھیا اے کہ پی ایم ایل ن توں متعلق گل کردیاں ہویاں آکھیا کہ پچھلے وزیراعظم دی دھی اج کل نکی جی سرجری لئی بار جانا چاہندی اے۔ ایہناں لوکائی نے اپنے دور وچ انج دا کوئی ہسپتال نہیں بنایا جتھے ایہناں لوکائی دا علاج ہو سکے۔ شبلی فراز نے مزیدآکھیا اے کہ سینیٹ چنائو شفاف ہون گے۔ اسیں منافقت دی سیاست کدی نہیں کیتی۔