عمران خان عوام دی دولت دے محافظ نیں: فردوس عاشق اعوان

لہور(پنجابی میڈیا گروپ)وزیراعلی پنجاب عثمان بزدار دی معاون خصوصی ڈاکٹر فردوس عاشق اعوان داآکھنا اے کہ وزیر اعظم عمران خان عوامی دولت تے وسائل دے محافظ نیں، وزیراعظم ہاوس تے آفس دے اخراجات وچ ریکارڈ کمی کیتی گئی اے، ذاتی مفادات دے پجاری ماضی دے حکمران قومی وسائل لوٹدے رہے۔سماجی رابطے دی ویب سائٹ ٹوئٹر اتے اپنے اک بیان وچ وزیراعلی پنجاب دی معاون خصوصی ڈاکٹر فردوس عاشق اعوان نے آکھیا ا ے کہ ماضی وچ کیمپ آفسز دے ناںاتے درندیاں دی طرحاں قومی وسائل تے دولت نوں لٹیا گیا۔ اوہناں نے آکھیا اے کہ وزیراعظم عمران خان نے کفایت شعاری دا سلسلہ اپنی ذات توں شروع کیتا تے ایہہ سلسلہ صرف وزیراعظم ہاوس یا آفس تیک محدود نہیں، بلکہ وفاقی تے صوبائی کابینہ اراکین وی کفایت شعاری مہم اتے عمل پیرا نیں۔فردوس عاشق اعوان ہوراں نے مزیدآکھیا اے کہ ایہہ ثبوت اے کہ فضول خرچیاں دے بغیر وی امور سلطنت انجام دتے جا سکدے نیں۔ اوہناں نے آکھیا اے کہ ن لیگ دے سینیٹر مشاہد اللہ دے انتقال دی خبر سن کے بوہت دکھیا ہویا’ پروردگار مرحوم نوں جنت الفردوس وچ جگہ دیوے تے غمزدہ خاندان نوںصبر جمیل عطا فرمائے۔