ریلوے چھاپہ مار ٹیم نے82بغیر ٹکٹ مسافر پھڑ لئے

لہور (پنجابی میڈیا گروپ) ڈویژنل سپرنٹنڈنٹ پاکستان ریلوے لہور ڈویژن محمد ناصر خلیلی دی ہدایت اتے ڈویژنل کمرشل آفیسر شیرین حنا اصغر تے ایہناں دے سپیشل گروپ نے لہور ڈیوژن وچ چلن والی مختلف ٹریناں اتے اچانک چھاپے مار ے تے 82بغیر ٹکٹ کر دیاں ہویاں مسافراں نوں پھڑلیا تے ایہناں نوں موقع اتے کرایہ تے جرمانے دی مد وچ 85 ہزار 5سو 10روپے وصول کر کے قومی خزانے وچ جمع کرا دتے ۔ڈی ایس ریلوے محمد ناصر خلیلی نے آکھیا کہ انج ریڈ مستقل بنیاداں اتے کیتے جان گے۔ تاکہ ریلوے وچ بغیر ٹکٹ سفر کرن والیاں دی حوصلہ شکنی ہو سکے تے ریلوے دی آمدنی وچ اضافہ ہو سکے۔

اپنا تبصرہ گھلو