بھارت: نرس نے جعلی کورونا ویکسین لا کے بڈھے جوڑے نوں لُٹ لیا
حیدرآباد دکن( پنجابی میڈیا گروپ) بھارتی ریاست حیدرآباد وچ اک نرس نے کورونا ویکسین دی جگہ بے ہوشی دا ٹیکہ لاکیبزرگ جوڑے نوں لُٹ لیا۔
خبراں دیمطابق، ہفتہ13فروری دی شام للیتھا نگر دے80ورھے دے لکشمن تے اوہناںدی70ورھے دی بیوی کستوری نے مقامی پولیس اسٹیشن وچ رپورٹ لکھوائی کہ اوہناں دے ہمسائے رہن والی اک نرس نے اوہناں نوں کورونا ویکسین دے نام اتے بے ہوشی دا انجکشن دے کے اوہناں توں سونا تے زیورات لُٹ لئے۔
انوشا نامی ملزمہ دے بارے وچ معلوم ہوئیا کہ اوہ اک پرائیویٹ کالج توں مڈوائف دا کورس کر رہی اے جدکہ نیڑے اسپتال وچ نرس دا کم وی کررہی اے۔
ہفتے دی صبح ایس نے لکشمن تے کستوری توںآکھیا کہ اوہ خاص کیلئے کورونا ویکسین دا بندوبست کردے گی تے سہ پہر وچ اوہناںدیگھر آکر آپئی ہی اوہناں نوں ایہ ویکسین وی لگا دے گی۔
وعدے دے مطابق اوہ ہفتے نوں سہ پہر تین وجے ایس بزرگ جوڑے دے گھر پہنچ گئی تے اوہناں نوں دسیا کہ ویکسین لگن دے بعد کجھ دیر لئی اوہنان نوں ہلکے ہلکے چکر آن گے لیکن گھبرانا نہیں۔
پڑوسی ہون دے ناطے اوہناں دوناں میاں بیوی نے انوشا اُتے بھروسہ کرلیا تے ایس توں ویکسین لگوا لئی جس دے کجھ دیر بعد ہی اوہ دوناں ہی بے ہوش ہوگئے۔
تقریبا تین گھنٹے بے ہوشی دے بعد جد اوس بڈھے جوڑیدی آکھ کھلی تے معلوم ہوئیا کہ اوہناں دے گھر وچ رکھیا ہوئیا سارا زیور سونا چوری ہوچکیا اے جدکہ نرس دا کجھ اتا پتا نہیں۔
ایس اُتے اوہناں نے فورا پولیس نوں فون کیتا تے انوشا دے خلاف رپورٹ وی درج کروائی۔





















