شہریاں دی ہلاکت لیگی امیدوار دے گارڈز دی فائرنگ نال ہوئی: فردوس عاشق

ڈسکہ(پنجابی میڈیا گروپ) معاون خصوصی فردوس عاشق آکھیا اے ڈسکہ وچ ضمنی الیکشن دے دوران شہریاں دی ہلاکت مسلم لیگ (ن) دے گارڈز دی فائرنگ نال ہوئی۔ فردوس عاشق دا پریس کانفرنس نال خطاب وچ کہنا سی ن لیگ دی قیادت دے ہتھوں الیکشن دے عملے نوں سبوتاژ کرن دی کوشش ہوئی جہڑے لوکاں نوں قنون نے طاقت دتی سی، اوہ ن لیگ نوں فائدہ اپڑان وچ مصروف رہے۔ معاون خصوصی دا کہنا سی شاہی خاندان دی فوج نے ڈسکہ وچ انتخابی حلقیاں نوں یرغمال بنائے رکھیا۔ پولنگ سٹیشن دے باہر کارکناں نوں ہراساں کیتا گیا۔ اوہناں نے دعویٰ کیتا ن لیگ والیاں دی فائرنگ نال 2بندے جاں بحق ہوئے۔ ن لیگ دے امیدوار دے گارڈ نے فائرنگ کیتی تے بھج گئے۔ فردوس عاشق آکھیا لیگی قیادت نے الیکشن دا عمل سبوتاژ کرن دی کوشش کیتی۔ خواجہ سعد رفیق دے حلقے توں ڈی ایم او لیایا گیا۔