اصل ووٹ چور( عمران خان) دے خلاف کارروائی کیتی جاوے ، مریم اورنگزیب

اسلام آباد (پنجابی میڈیا گروپ) پاکستان مسلم لیگ (ن) دی ترجمان مریم اورنگزیب نے الیکشن کمشن نوں وزیراعظم عمران تے وزیراعلیٰ پنجاب سردار عثمان بزدار دے خلاف کارروائی دا مطالبہ کردیاں ہویاں آکھیا اے کہ الیکشن دے عملے تے ووٹ چوری دے اصل سرغنہ عمران خان دے خلاف کارروائی کیتی جاوے ، اپنے اک بیان وچ اوہناں نے مزیدآکھیا اے کہ عمران خان تے وزیراعلیٰ نے چیف سیکریٹری، آئی جی پنجاب سنے پوری انتظامیہ نوں یرغمال بنا رکھیا سی۔ اوہناں نے مزیدآکھیا اے کہ ووٹ چوری دے اصل سرغنہ عمران خان دے خلاف کارروائی تیک احتساب دا عمل نامکمل روے گا۔ اوہناں نے آکھیا اے کہ چیف سیکرٹری کیوں دستیاب نہیں سن تے دوبارہ رابطہ کیوں نہیں کیتا ایس سوال د اجواب تلاش کرنا ضروری اے۔ اوہناں نے آکھیا اے کہ چیف الیکشن کمشنر دے نال گل دے ویلے چیف سیکریٹری دے علم وچ سی تے اوہنا ںنے عملے دی واپسی دی یقین دہانی کرائی سی۔ اوہناں نے آکھیا سارے حقائق تے شواہد گواہی دے رہے نیں کہ ووٹ دی امانت وچ خیانت عمران خان نے کیتی۔ مجرم ایہوی نیں۔