بھارتی فوج نے پچھلے مہینے 6کشمیریاں نوں شہید کیتا: کشمیری میڈیا
سری نگر( پنجابی میڈیا گروپ) بھارتی فوج نے پچھلے مہینے فروری وچ 6کشمیریاں نوں شہید کیتا۔ مقبوضہ کشمیر وچ قابض بھارتی فوج دے مظالم جاری نیں جتھے پچھلے مہینے وی بے گناہ کشمیریاں نوں شہید کیتا گیا۔ کشمیر میڈیا سروس دے مطابق قابض بھارتی فوج نے پچھلے مہینے ریاستی ات گردی دا مظاہرہ کردیاں 6کشمیریاں نوں شہید کیتا۔ کے ایم ایس دے مطابق بھارتی فوج نے 3کشمیری نوجواناں نوں جعلی مقابلیاں وچ شہید کیتا جد کہ پچھلے مہینے 63کشمیری نوجواناں نوں گرفتار تے 5نوں زخمی کیتا گیا۔
