فواد چودھری دی سابق صدر پرویز مشرف دی صحت یابی لئی دعا
لہور( پنجابی میڈیا گروپ)سابق آرمی چیف تے پاکستان دے سابق صدر جنرل (ر) پرویز مشرف دی اک تصویر سوشل میڈیا تے وائرل اے جہدے وچ اوہ وہیل چیئر تے بیٹھے ہوئے نیں۔ تصویر وچ پرویز مشرف کافی کمزور نظر آ رہے نیں جہدی وجہ توں اوہناں دی صحت دے حوالے نال قیاس آرائیاں شروع ہو گئیاں نیں۔ ہن وفاقی وزیر برائے سائنس اینڈ ٹیکنالوجی فواد چودھری نے وی سماجی رابطیاں دی ویب سائٹ تے پرویز مشرف دی صحت یابی لئی دعا کیتی اے۔ فواد چودھری نے اپنی ٹویٹ وچ پرویز مشرف دی بہترین صحت لئی نیک خواہشات دا اظہار کیتا تے آکھیا تہانوں مسکراندا ہویا ویکھ کے خوشی ہوئی، تسیں زندگی بھر پاکستان لئی لڑے، تہاڈے لئی دعاواں تے نیک خواہشات۔
