مہنگائی فوری گھٹ نہیں ہووے گی، کرپشن دا خاتمہ چاہنے آں: آئی ایم ایف
اسلام آباد: آئی ایم ایف دی پاکستان وچ کنٹری ڈائریکٹر ٹریسا دابن سانچز آکھیا اے پاکستان وچ مہنگائی وچ فوری کمی نہیں ہووے گی ٹیکس سسٹم وچ کرپشن دا خاتمہ چاہنے آں۔ ایتھے سیمینار نال خطاب کردیاں اوہناں آکھیا آئی ایم ایف پروگرام دے بعد پاکستان وچ مالی نظم و ضبط بہتر ہویا، پاکستان نے سرکلر ڈیٹ وچ کمی دا جامع پلان دتا اے، پاکستان نوں آمدنی ودھان دا سب توں پہلا چیلنج درپیش اے۔
ایہدے علاوہ ایکسچینج ریٹ تے سماجی شعبے دا تحفظ جہے چیلنجز نیں۔ بجلی دی تقسیم کار کمپنیاں دے ٹیکس ری فنڈ مارچ وچ دتے جان تے ایہناں کمپنیاں دے نقصانات 2021تک ختم کرن دا ہدف اے۔ ٹیکس ہدف وچ کمی پاکستان وچ ٹیکس جمع کرن دے معیار نوں بہتر بنان لئی کیتی۔
