اسیں سینٹ الیکشن جِت چکے واں: یوسف رضاگیلانی دا دعوی

اسلام آباد (پنجابی میڈیا گروپ) پیپلز پارٹی دے رہنما تے پچھلے وزیراعظم یوسف رضا گیلانی نے آکھیا اے کہ اسیں سینیٹ چنا جت چکے آں۔تفصیلات دے مطابق پیپلز پارٹی دے رہنما تے پاکستان ڈیمو کریٹک موومنٹ ( پی ڈی ایم ) امیدوار یوسف رضا گیلانی جدوں اپنا ووٹ کاسٹ کرن اپڑے تے پترکاراں دے نال گل بات کردیاں ہویاں اوہناں نے آکھیا کہ اسیں سینیٹ چنا جت چکے آں تے جس مقصد لئی آئے تے اوہ پورا ہوچکیا اے۔ یوسف رضاگیلانی ہوراں نے آکھیا اے کہ پاکستان تحریک انصاف دے امیدوار حفیظ شیخ نوں ووٹ نہیں ملن گے ۔اک سوال دے جواب وچ اوہناں نے آکھیا کے ویڈیوز دا اثر ایس ویلے ہوندا جدوں ساڈے ایم این ایز ایہناں دے نال نظر آئوندے۔ اوہناں نے آکھیا ویڈیو پلانٹڈ نیں‘ اگر ہوندا تے باقی ایم این ایز وی نظر آئوندے۔

اپنا تبصرہ گھلو