پی ایس ایل 6 ملتوی، پی سی بی تے ٹیم مالکان دے اجلاس وچ فیصلہ
لہور(پنجابی میڈیا گروپ) پاکستان کرکٹ بورڈ تے ٹیم مالکان دی ورچوئل میٹنگ ہوئی جیہدے وچ پی ایس ایل نوں فوری طور اُتے ملتوی کرن دا فیصلہ کیتا گیا، پی سی بی نے با ضابطہ اعلان کر دِتا۔
پاکستان کرکٹ بورڈ نے پی ایس ایل وچ کورونا دے کیسز ودھن پاروں ایونٹ نوں غیر معینہ مدت لئی ملتوی کر دِتا اے۔ پاکستان کرکٹ بورڈ دے حکام ولوں ایس حوالے وچ 3وجے پریس كا نفرنس دا اعلان کیتا گیا اے۔
پاکستان سپر لیگ وچ ہُن تک کورونا دے7 کیسز رپورٹ ہو چکے نیں جیہدے پاروں کراچی کنگز دے کھڈاری ڈین کرسٹین وی پی ایس ایل چھَڈ چُکے نیں، ایہدی تصدیق پی سی بی ولوں کر دِتی گئی۔
اسلام آباد یونائیٹڈ کے 4 ، لاہورقلندرز دا اِک تے کوئٹہ گلیڈی ایٹرز د ا اِک کھڈاری تے اِک آفیشل دی ہُن تک کورونا وچ مبتلا ہون دی تصدیق ہوئی اے۔
پاکستان سپر لیگ دے چھیویںایڈیشن دا آغاز 20 فروری توں هہویا سی تے ایونٹ وچ ہُن تیکر 14 میچ کھیڈے جا چُکے نیں۔
واضح رہوے کہ پاکستان سپر لیگ دا پنجواں ایڈیشن وی کورونا پاروں ملتوی کیتا گیا سی لیکن کسے کھڈاری یا آفیشل دے کورونا وچ مبتلا ہون دی تصدیق نہیں ہوئی سی۔
